யோகி வேமனா

யோகி வேமனா

++++++++++++

தண்ணீர் ஊற்றி நித்தமும் குளித்து
தீனியை நிரப்பித் துணியைச் சுற்றி
எப்பாடு படுகிறீர் தேகக் கட்டைக்கு
விசுவதா பிராம கேளாய் வேமா.
(தேகம் நிலையாமை)

பல்லி பலன் கேட்கும் மானிடர் நினைப்பவை
வெற்றி பெறும் என்று மகிழ்ந்திருப்பார்
தோல்வியில் முடிந்தால் கர்மத்தின் பலனென்று
தேற்றிக் கொள்வார் அறிந்திடு வேமா.
(கண்மூடி வழக்கம்)

நாயைத் தின்றவன் பரம குருவாம்
பன்றியைத் தின்றவன் பரம யோகி
யானையைத் தின்றவன் நல்ல ஞானி
விசுவதா பிராம கேளாய் வேமா.
(தத்துவக் கருத்துகள்)

மாதம் ஒருமுறை உதிரப் போக்கு
வெப்பம் கண்டால் வெள்ளைப் போக்கு
என்றும் இருக்கும் சிறுநீர் போக்கு
ஆண்களுக்கு இதிலே விருப்பமேன் வேமா.
(பெண் ஆசை துறத்தல்)

யோகி வேமனா என்பவர் கி.பி.15 ஆம் நூற்றாண்டில் தற்போதய ஆந்திராவில் வாழ்ந்தவர். இவரது தந்தையார் குமரகிரி வேமா ரெட்டி. தாயார் மல்லம்மாள். வேமனா சிவ பெருமானை வழிபடும் சைவ சமயக் குடும்பத்தைச் சேர்ந்தவர்.

யோகி வேமனா பெண் இன்பத்தில் பித்து பிடித்தவர். தாசிகளின் இல்லமே கதியென வாழ்ந்தவர். இவர் தனது அண்ணி சரசாம்பாள் என்பவரின் ஒரு செயலால் யோகியாக மாறியவர்.

ஒரு தாசியின் அழகில் மயங்கிய வேமனா அவர்கள் அவளை அடைய முற்பட்டபோது, அந்த தாசியானவள், “உங்களது அண்ணி அணிந்திருக்கும் மூக்குத்தியை வாங்கிக்கொண்டுவந்து அதனை என்னிடம் கொடுத்தால் உங்கள் விருப்பம் நிறைவேறும்” எனச் சொல்லி வேமனாவை அனுப்பி விடுகிறாள்.

இதனை தன் அண்ணியிடம் ஒருவாறு கேட்க, அண்ணியார் மிகவும் வருத்தப்பட்டு, ‘நான் எனது மூக்குத்தியை தருகிறேன், ஆனால் ஒரு நிபந்தனையுடன் இந்த மூக்குத்தியை அந்த தாசியிடம் நீ தரவேண்டும் எனக் கூற, வேமனா அவர்களும் நிபந்தனையை கூறுங்கள் தாயே! எனக் கூறுகின்றார். அண்ணியும் நிபந்தனையை கூறுகின்றார்… “தம்பி! நீ இந்த மூக்குத்தியை அந்தப் பரத்தையிடம் தரும்பொழுது, அவள் உடம்பில் ஆடை எதுவும் இல்லாமல் இருக்க வேண்டும். இரு கால்களையும் அகலப் பரப்பிக் கொண்டு நிற்க வேண்டும். அப்படி அவள் நிற்கும் பொழுது அவளுக்குப் பின்பக்கம் நீ நின்று அவளது கால்களுக்கு இடையே மூக்குத்தியைத் தர வேண்டும். அந்தப் பெண் குனிந்து அதைப் பெற்றுக் கொள்ள வேண்டும். இதுவே நீ எனக்குத் தர வேண்டிய உறுதி மொழி” என்றாள் அண்ணி.

வேமனா அண்ணி சொன்னது போலவே செய்ய, அப்போது பரத்தையின் பின்பக்கம் அவர் கண்ட காட்சியினால், வேமனா அன்றிலிருந்து பெண்களையே வெறுக்கும் அளவுக்குச் செய்துவிட்டது. அன்று முதல் வேமனா பித்துப் பிடித்தவர் போலத் திரியலானார். நாளடைவில் யோகியானார்.
-TMR