இராமலிங்க அந்தாதி

அருட்பெருஞ்ஜோதி                அருட்பெருஞ்ஜோதி

தனிப்பெருங்கருணை               அருட்பெருஞ்ஜோதி

 எல்லா உயிர்களும் இன்புற்று வாழ்க  

                          இராமலிங்க அந்தாதி          (05-07-2015)

(தி.ம.இராமலிங்கம்)

https://drive.google.com/file/d/0BxCzJ7eDoOwqVEdIMUpQUVpZTTQ/view?usp=sharing

நேரிசை வெண்பா

அருட்பெருஞ் ஜோதி அடிபணிந்து தனிப்

பெருங் கருணை பெற்றேன் - நெருப்பென

இருக்கும் என்னை அணைத்து ராமலிங்கமே

குருவென வந்து கலந்தான்.

கலக்கும் முறை கற்றிலேன் உன்னை

நலமுற வணங்கி நாடிலேன் - குலமும்

கோத்திர மயக்கமும் கழன்று ராமலிங்கமே

தோத்திரம் ஆனான் தனக்கு.

தனக்கோர் மதம் தானில்லை எம்மதமும்

உனக்கோர் பொருட் டில்லை - மனத்தில்

பதிந்த மதத்தைப் பிரிந்து ராமலிங்கமே

கதிஎன காலங் கழித்தேன்.

கழித்த காலங்களைவிட கழிந்தக் காலங்கள்

இழிவாய் இருப்பது இயல்பு - விழித்திருந்து

அழியாதக் கல்வி அளித்த ராமலிங்கமே

பழியாதப் பாடம் புகட்டுவாய்.

புகட்டியப் புராணப் புளுகில் சாத்திர

சகதியில் மீளாது சிக்குண்டேன் - சகத்தில்

சுத்த சன்மார்க்க சாலையிட்ட ராமலிங்கமே

முத்தங் கொடுத்து மீட்டான்.

மீட்டுகின்றான் நான் மீளும்வரை என்னை

ஆட்டுவித்து என்னை ஆளுகின்றான் - பாட்டு

எழுதவிட்டு என்னை எழுப்புகின்றான் ராமலிங்கமே

விழுதாய் என்னுள் வந்தானே.

வந்த நோக்கமறிந்து வரவுசெலவு மின்றி

இந்த தேகத்தில் உறைந்தேன் - அந்தமும்

ஆதியும் கண்ணுறக் கண்டேன் ராமலிங்கமே

நாதியாய் இருந்தான் நன்று.

நன்றெல்லாம் நீயானாய் நன் மார்க்க

சன்மார்க சங்க சீரானாய் - பன்மார்க்கப்

பொரு ளெல்லாம் போக ராமலிங்கமே

ஒருபெரும் பொரு ளானான்.

ஆனவையாவும் அளந்து அண்ட முழுதும்

வானகத்தில் அடக்கு வித்தாய் - கானகத்தில்

நிறைந்த மரங்களின் நடுவில் ராமலிங்கமே

இறையென இருக்கின்றான் இங்கு.

இங்குமங்கும் எங்கும் எதிலும் நீக்கமறத்

தங்கி யருளும் தயாளன் - சங்கு

ஊதும் சடங்கை உடைத்த ராமலிங்கமே

ஓதுவாய் என்றும் அன்பினை.                       10

அன்பினால் என்னை அணைத்து என்

துன்பம் அறத் துடைத்தாய் - வன்குண

மாயை நீக்கி மாயமான ராமலிங்கமே

சாயையாய் என்னைச் சார்.

சார்ந்தேன் சன்மார்க்க சற்குரு நாதனைச்

சேர்ந்த நான் சத்தியனானேன் - நேர்ப்பட

நான்பாட என்னுள் நடமாடும் ராமலிங்கமே

வான்என இருப்பதுநின் வரமே.

வரமொன் றருளி வஞ்சக னெனைநின்

கரத்தில் ஏந்திக் களித்தாய் - மரத்தில்

கனிந்தக் கருணை கனியாம் ராமலிங்கமே

இனியார்க்கும் நீயே ஆருயிர்.

 

ஆருயிர் உள்ளொளிர் அறிவே உலகில்

ஓருயிர் வாட ஒவ்வாய் - பாருக்கெல்லாம்

ஜீவ காருண்ய சீர்புகலும் ராமலிங்கமே

பாவம் தொடாதெனைப் பார்.

பார்வை ஒன்றே பாவம் போக்கும்நின்

கூர்விழி உலகைக் காக்கும் - போரில்லா

அமைதி ஓங்கும் எங்கும் ராமலிங்கமே

இமையாய் காத் திருப்பான்.

இருப்பது எதுவோ இல்லாதது எதுவோ

விருப்பம் எதிலும் வையேன் - திருப்பம்

வருமென உனை வணங்க ராமலிங்கமே

உருவாய் வந்து அருளாய்.

அருளும் பொருளும் அளித்து நிற்பாய்

இருளும் ஒளியும் இன்றியே - மருதூர்வாழ்

மரகதமே வடலூர் மணி ராமலிங்கமே

மரணமிலா மணி மகுடமே.

மகுடம் அணிவித்தெனை மன்னன் ஆக்கியே

புகுந்து கலந்திட்டான் புண்ணியன் - தகுந்த

எனக்குநல் உயிரான என் ராமலிங்கமே

மனதிற்கு இனிய மன்மதா.

மன்மதக் கலையால் மனிதனை மாய்க்கும்

துன்பம் நீக்கி துயரறுத்தாய் - அன்பே

என் நிலையாக்கி ஏற்றிட்ட ராமலிங்கமே

உன்பேர் சொல்லி உயர்ந்தேனே.

உயர்ந்த மனமருளி உத்தம நிலையருளி

நயந்துச் சொல்லிநிலை நாட்டினாய் - மயக்கும்

மங்கையர் முகத்தை மறந்து ராமலிங்கமே

அங்கமென ஆடா தமர்ந்தேனே.                      20

அமர்ந்த என்னை அழைத்து ராமலிங்காய

நமவென் றென்னை நாட்டினாய் - கமலமலர்

சடத்தில் ஞான சபையாகி ராமலிங்கமே

நடன மிடுகின்றான் நடுவே.

நடுவைநாடி நடந்து நடுவிரவில் அடைந்து

கடுகென இருப்பதைக் கண்டேன் - அடுத்து

அதனுள் அண்டவெளி எல்லாம் ராமலிங்கமே

உதயமாக இருக்க உணர்ந்தேனே.

உணர்வாகி எனது உணர்ச்சியாகி காதலாகி

மணந்து கலந்த மணாளா - குணமெலாம்

குற்றமாய் இருந்தும் என்னை ராமலிங்கமே

சுற்றமாய் வந்து சூழ்ந்தான்.

சூழ்ந்தென வெல்லாம் சுகம் பெறவே

ஆழ்ந்தன அதை என்னென்பேன் - ஏழ்திரை

நிலைகளும் விலகி நிற்க ராமலிங்கமே

கலையாக நான் கற்றேன்.

கற்றவனின் சிறப்பைக் கூற அருட்ஜோதி

பெற்றவராலும் கருப் படாது - சிற்றவனின்

சிற் சபையில் சுகமளிக்கும் ராமலிங்கமே

சற் குருவேஎன் செந்தமிழே.

செந்தமிழால் நானுனைப் பாட இங்கு

வந்து என்னை வாழ்த்தாய் - எந்தையே

எண்ணமெலாம் நிறைந்த என் ராமலிங்கமே

வெண்பா வாகிய வெளியே.

வெளியெலாம் காணும் விழி பெற்றேன்

தெளிந்த முக்கண் தயவாலே - ஒளிஒன்றே

வான்முழுதும் இருந்து விளங்க ராமலிங்கமே

தான் நிறைதான் தன்னுள்.

உள்ளே ஒளிந்திருந்து உள்ளம் கலந்திருந்தக்

கள்ளக் காதல் கனிந்திடுமோ - எள்ளிபிறர்

நகைத்திடாது எனை நாடி ராமலிங்கமே

பகை வென்றான் பரிந்து.

பரிந்துரை செய்தாய் புண்ணியா உனக்கு

சரிநிகர் ஆனேன் சங்கத்தில் - எரிந்தது

முப்புறம் அப்புறமும் முயல ராமலிங்கமே

எப்புறமும் ஆனான் எனக்கு.

எனக் கென்றால் எதிர்நின்று எதையும்

மனங் கோணாமல் மகிழ்ந்தாய் - தனமும்

தயவு குணமெல்லாம் தந்த ராமலிங்கமே

மயங்கிக் கலந்தான் மனதில்.                              30

மனமெனு மோர்குரங்கை மதித்து எனக்கே

வனமாகி வந்துதித்த வள்ளலே - இனமாகி

மதியாகி விதியாகி மருதூர் ராமலிங்கமே

கதியாகிக் களித்தேன் காணீரோ.

காணாதக் காட்சியைக் காட்டுவித்து என்னைத்

தூணாகத் தாங்கியத் தலைவன் - ஆணான

அழகன் முக்காடு அறிவன் ராமலிங்கமே

உழவனாகி என்னை உழுதான்.

உழுது பயிர்செய்து உரமும் போட்டு

அழுதே நீர்பாய்ச்சி உயர்ந்தேன் - நழுவி

பாலில் விழுந்தப் பழமாய் ராமலிங்கமே

கூலி கொடுக்கக் கண்டேன்.

கண்ணிமை நேரத்தில் கடவுளைக் கடந்து

உண்மை தெரிந்து ஊமையானேன் - பெண்மை

பெற்ற பேரின்பம் பகருமோ ராமலிங்கமே

உற்ற தேகத்தை யடைந்தேனே.

அடைந்த மரணங்கள் அளக்கில் பல்கோடி

கடைசி காயமிது கலந்ததே - மடைதிறந்த

வெள்ளம் போல் வெள்ளாடை ராமலிங்கமே

துள்ளிக் குதிக்கின்றான் தன்னகத்தே.

அகத்தே விரியும் உலகெலாம் உள்ளவன்

இகத்தே நானானான் என்னவன் - யுகமெலாம்

கடக்கினும் காணாக் காட்சியாய் ராமலிங்கமே

கடவுளானான் கருணைக் கொண்டு.

கொண்டதும் சன்மார்க்கம் கண்டதும் உயிருக்கு

தொண்டு செய்வதே தொழிலாம் - உண்பதற்கு

தாவர உணவையேத் தந்த ராமலிங்கமே

பாவந் தவிர்த்தான் பயந்து.

பயந்தேன் பாடைமேல் படுத்தாரை பார்த்தேநீ

நயமாய் உரைக்க நடித்தேன் - தயக்கமின்றி

மரணமிலாது வாழ முயன்று ராமலிங்கமே

சரண மென்று சன்மார்க்கியானேன்.

ஆனேனென்று அன்று அறைந்த முரசெலாம்

தானேவந்து இன்று தானியங்குதே - நானேஇங்கு

வானேபோ லானேன் வலிந்து ராமலிங்கமே

ஊனே புகுந்த அதனால்.

ஆலும்தன் விழுதுபோக ஆடுமே ஆனாலென்

வாலும் ஆடாது வலுப்பெறும் - காலும்

வேகாது புனலும் போகாது ராமலிங்கமே

சாகாத் தலை சமைத்தான்.                          40

சமைத்த மதங்கள் சாத்திரங்கள் யாவும்

அமைத்து ஒருபயனு முறார் - எமையாளும்

சுத்தசன் மார்க்க சாலையில் ராமலிங்கமே

நித்தி யானந்தம் நல்குவான்.

நல்கும் நலமெல்லாம் நாட்டி என்னை

நல்லவன் என்றே நாட்டினாய் - வல்லவன்

செய லெல்லாம்நான் செய்ய ராமலிங்கமே

ஜெய மென்று ஜொலித்தேனே.

தேனினும் இனிக்கும் தெய்வம் எங்கள்

ஊனிலும் உதிக்கும் உதயம் - நானிலம்

போற்றும் தெய்வம் புகழ் ராமலிங்கமே

ஏற்றும் அருட்ஜோதி இறைவன்.

இறைவன் இவனென்று உரைத்த மதங்களும்

மறைகளும் காணாது மறிந்தன - குறையொன்றும்

இல்லா சுத்தசன்மார்க்க இயலில் ராமலிங்கமே

எல்லார்க்கும் இறைவ னானான்.

ஆனா னென்று ஊதியசங் கெல்லாமவன்

நானாக ஊதூதி நிலைக்கும் - கூனாத

உடல்பெற்று  உள்ளம் உருக ராமலிங்கமே

வடம் பிடித்து வருவான்.

வருவான் தருவான் வள்ளவன் என்றே

ஓராயிரம் பாடல்கள் ஓதிநின்றேன் - ஈராயிரம்

வெண்பா படித்து வேண்ட ராமலிங்கமே

தெண்ட னிட்டுத் தருவான்.

தருகின்றான் என் தலைவன் யாருக்கும்

அருள அகஇனம் ஆகுவீர் - தருணம்

இதுதானே வாரீர் இங்கு ராமலிங்கமே

அது வாகி ஆள்கின்றான்.

ஆள்கின்ற அடிக்கு ஆளாவோம் அவன்

தாள் தொட்டு தெண்டனிடுவோம் - நாள்தோறும்

அன்னதான மிட ஆளும் ராமலிங்கமே

உன்னைத் தேடி யருள்வான்.

வான்பொருள் காட்டியங்கு விளங்கும் எம்

மான்நிலை காட்ட மகிழ்ந்தேன் - நானென்ப

தெல்லாம் இனிநீயே என ராமலிங்கமே

செல்லாத நிலை சொன்னான்.

சொன்ன வரைக்கும் சென்று விட்டேன்

பொன்னான மேனியும் பெற்றுவிட்டேன் - தன்

நிகரில்லா பெரு நிலைபெற்ற ராமலிங்கமே

அகத்தில் சென்று ஆழ்ந்தானே.                      50

ஆழ்ந்திருக் கும்போது ஆளாத அண்டமெலாம்

வாழ்ந்திருக்கக் கண்டு வியந்தேன் - ஊழ்வினையை

அங்குள்ள உயிருக்கும் ஊட்டி ராமலிங்கமே

எங்குமாய் விளங்க எட்டானே.

எட்டானை அன்பினால் எட்டுவித்து அவனை

அட்டத்தில் பிடிக்க அமர்ந்தானே - விட்டத்தில்

நின்றுபார்க்க முழு நிலவாய் ராமலிங்கமே

என்னைப் பார்த்து ஏங்கினான்.

ஏங்கிய ஏக்கம் அறிந்து காதல்மடலை

வாங்கிப் படித்து வாஎன்றான் - ஓங்கிய

அண்டமெலாம் என தன்பை ராமலிங்கமே

விண் ணொளியாய் விரைத்தான்.

விரைந்து அருள்வார் வள்ளலார் என்றே

நரைவரும் முன்னே நாடுகின்றேன் - திரை

எல்லாம் தீர்த்து எனக்கு ராமலிங்கமே

பல்லாண்டு வாழ பதித்தான்.

பதித்த திருமுறை பன்னிரண்டும் சன்மார்க்கம்

உதித்த திருமுறைக்கு ஈடில்லை - மதித்த

சைவ வைணவ மதமெலாம் ராமலிங்கமே

நையப் புடைத்து நகர்ந்தானே.

நகர்ந்த அத்தருணம் நானும் சன்மார்க்க

உகத்தில் திருமுறை அளித்தேன் - சகத்தில்

எட்டாம் திருமுறை இதுவென ராமலிங்கமே

சட்டம் இயற்றி சார்ந்தான்.

சார்ந்த சன்மார்க்கத்தில் சாகாதிருக்க நான்

ஊர்ந்து உயிரொளி உற்றேன் - ஓர்நிலையை

அடைய வருமக இனத்தார்க்கு ராமலிங்கமே

உடைய பேரருள் உண்டாமே.

உண்டுண்டு உறங்கி உயிர்விட்டுப் பிணமாய்க்

கண்டகால மெல்லாம் கனவே - கொண்ட

சுத்தசன்மார்க் கத்தில் சாகாத ராமலிங்கமே

மத்தியில் வர மாயைஓடுமே.

ஓடுகின்றேன் வடலூர் ஒளியைக் காணவே

பாடுகின்றேன் சன்மார்க்க மோங்கவே - ஆடுகின்றேன்

பொற்சபை நாட்டியம் போலவே ராமலிங்கமே

சொற்படி நான்நடக்கச் சாற்று.

சாற்றுவேன் சன்மார்க்க சங்கமதையே நான்

போற்றுவே னங்கு புனிதனாகியே - ஊற்றுபோல்

சொற் றொடரைச் சொல்லி ராமலிங்கமே

பொற் பாடலைப் பகர்ந்தான்.                  60

பகருகின்ற ஒவ்வொரு பாடலும் பரமனே

உகந்தளித்தான் எனக்கே உண்மை - பகலவன்

பொன்னொளி அகத்தில் பட்டு ராமலிங்கமே

இன்பமென துடிக்குதென் இதயம்.

இதயஇயக்க மனைத்தும் இறைவா நின்

பதத்தில் வைத்தேன் பாராய் - உதய

காலம் வருங் காலமெனவே ராமலிங்கமே

ஓலமிட்டு நமை எழுப்புவான்.

எழுந்தவரெல்லாம் இறவார் இறந்தவ ரெல்லாம்

எழுவார் என்பது உண்மை - அழுதாரெல்லாம்

சிரிக்கக் காண்பது சன்மார்க்கம் ராமலிங்கமே

புரிகின்ற செயலிது பாராய்.

பார்த்துப் படித்தப் படிப்பெல்லாம் பொய்யே

பார்க்காமல் படிக்கும் படிப்பறியாய் - மார்க்கம்

கூறும் சாகாக் கல்வியை ராமலிங்கமே

சோறு போட்டு சொன்னான்.

சொன்ன சொல்லின் சொந்தக்காரன் என்

கன்னந்தடவி இதழ் குவித்தான் - பின்

இடைதழுவி கூடி இணைய ராமலிங்கமே

கடை விரித்துக் கொண்டான்.

கொண்டதன் கடையில் கொள்வார் இல்லை

பண்டத்தை மூடி கட்டிட்டானே - பண்ணால்

பாடவே கட்டியக் கடையை ராமலிங்கமே

ஊடலின்றி கூட உடைத்தான்.

உடைத்ததன் கடையில் உள்ளே நுழைந்து

எடையின்றி கொள்ள லாமே - படைதிரண்டு

வாரீர் உலகீர் வள்ளல் ராமலிங்கமே

வாரி அணைக்கின்றார் வாரீர்.

வாரீர் வாரீர்வந்து வள்ளலாரின் கடையைப்

பாரீர் பாரீர்பார்த்துப் பயனுறுவீர் - தேரீர்

மாண்டா ரெல்லாம் மீள ராமலிங்கமே

மீண்டும் விரித்தான் மடியை.

மடிசுரந்த அமுதை மதுவாகக் குடித்து

அடிசறுக்கி வீழ்ந்தேன் அய்யோ - முடியா

லொரு மலையை இழுக்க ராமலிங்கமே

அருளால் செய்து முடித்தான்.

முடிந்த முடிவுகள் முடியாத எல்லைகள்

அடிமுடி வட்டம்போ லாகும் - கடிந்த

மதத்தை விரும்பி மயங்க ராமலிங்கமே

உதைக்க வந்தான் உள்ளே.                          70

உள்ளொன்றி இருக்கும் உண்மை யறிந்து

கள்குடித்துக் களித்தேன் கடவுளே - தள்ளாட்டம்

போக்கி ஒருமையுடன் பற்றி ராமலிங்கமே

நோக்கினான் நம்மை நயந்து.

நயந்து சொன்னதெல்லாம் நயக்க ஆனதோ

வியந்த தெல்லாம் வியர்த்தமானதோ - பயந்து

பாவச்செயல் செய்யாப் பாவியை ராமலிங்கமே

கோவப்படப் பார்ப்பது கருணையோ.

கருணையால் கல்லும் கரைந்ததே தயவால்

இருளும் ஒளியானது இங்கே - விருந்தென

மனதிற்குக் கிடைத்த மாமருந்தே ராமலிங்கமே

உனையன்றி எனக்கேது உயிரே.

உயிரென்று இருப்பது உண்மையோ அன்புக்

கயிற்றை பாம்பென கூறுவதோ - வயிற்றுப்

பசிபோல் என்றும் பிரியாத ராமலிங்கமே

வசிக்க உயிராய் வந்தான்.

வந்தநாள்முதல் வடலூரே வாழ்வென இருந்தேன்

எந்தநாளும் எனக்கில்லை இனியே - சந்தமிகுப்

பாடல் உனக்காகப் பாடியே ராமலிங்கமே

ஆடல் புரிந்திருப்பேன் அழகாகவே.

அழகாய் தலைவாரி அழகன் உனக்காக

கழனியில் தனியே காத்திருந்தேன் - பழமுடன்

பாசமாய் வந்து பூச்சூடினாய் ராமலிங்கமே

தாசனாக நானும் தாசியானேனே.

தாசியாய் இருக்கஆசி தாருமய்யா உன்னை

பாசியாய் பிடித்திருக்க பிடிக்குதய்யா - நாசியில்

சென்று வருமென் செல்ல ராமலிங்கமே

என்றும் நீஇருக்க இறவேனே.

இறப்பதும் பிறப்பதும் இறைவன் செயலென்றால்

இறைவனும் இறப்பான் அன்றோ - இறப்பதை

தவிர்த்துப் பிறப்பதை தடுக்க ராமலிங்கமே

புவியை வென்று புகன்றான்.

புகன்ற சொல்லெல்லாம் புத்தியில் எட்டாது

அகன்று சென்றேன் என்னய்யாவே - தகன்று

போகாது என்னைப் பிடித்து ராமலிங்கமே

நோகாது நிறுத்தினான் நாட்டிலே.

நாட்டிலே நாட்டிய நான்மறையும் மற்றதும்

வீட்டிலே திரியும் விலங்காகும் - ஏட்டிலே

கூட்டிய எழுத்தைக் காட்ட ராமலிங்கமே

பாட்டிலே பாடியது போலாமோ.                      80

ஆகின்ற செயலெல்லாம் ஆள்கின்றாய் போற்றி

போகின்றபோக் கெல்லாமானாய் போற்றி - சாகின்ற

போதெல்லாம் தடுத்தாய் போற்றி ராமலிங்கமே

போற்றி நாதமுடிவே போற்றி.

போற்றி எனைப் பாடவைத்த பொற்சபை

சாற்றி எனைஏற்றியது சிற்சபை - காற்றில்

உள்ள வேகமாய் உருவான ராமலிங்கமே

அள்ளி வீசினான் ஆற்றலை.

ஆற்றலின் ஓங்கிய அருட்பெருஞ் ஜோதி

கூற்றதை ஓட்டும் காலஜோதி - ஏற்றதை

அளித்து மாற்றத்தை அருள ராமலிங்கமே

ஒளியாய் வரும் எளியஜோதி.

ஜோதிஜோதி ஜோதிஜோதி ஜோதி யென்று

ஓதுமே ராமலிங்க அந்தாதியே - ஆதிநீதி

அந்தம் யாவும் ஆட்டியே ராமலிங்கமே

பந்தமுற்று வந்தான் பாட்டிலே.

பாட்டெல்லாம் அவன் புகழையேப் பாடும்

ஏட்டெல்லாம் அவனையே எழுதும் - ஊட்டிய

உணர் வெல்லா மென் ராமலிங்கமே

மணம் புரிந்து மகிழ்வான்.

வானத்தைத் தேடி விண்ணிலே செல்லினும்

கானத்தை பார்க்கக் கூடுமோ - நானடங்கி

கரனங்கள் யாவும் கழல ராமலிங்கமே

சரண மென்பது சன்மார்க்கம்.

சன்மார்க்க சாலையில் சித்தர்பல ரிருக்க

என்மார்க்கம் வந்தான் ஏனடி - நன்மார்க்க

மெல்லாம் சன் மார்க்கமென ராமலிங்கமே

பல்லார்க்கும் பகன்றான் பாரடி.

அடிமுடி காணாத அற்பன்நான் திருவருட்பா

அடிக்கடிப் படிக்க அடிமுடியானேன் - தடியடி

சண்டை யிட்டு சோர்ந்தேன் ராமலிங்கமே

கண்திறக்க கண்டேன் காட்சி.

காட்சிக்கு எளியவன் கண்ணுக்கு ஒளியவன்

ஆட்சிக்கு அரசனவன் ஆரேடி - சாட்சிக்கு

வருவா னவன் வடலூர் ராமலிங்கமே

தருவானருளை அவன் தானடி.  

  

தானம் செய்யசெய்ய தானே பையபைய

ஊனம் போக்கி உயர்த்துவான் - நானங்

கொண்டு களவி காண ராமலிங்கமே

தண்டில் ஏறி தங்கினான்.                            90

தங்கியவன் குண்டலிப்பால் தந் தென்

அங்கப்பசி நீக்கி ஆய்ந்தான் - தங்கமே

அணையார் சங்க மதில் ராமலிங்கமே

இணையாக வைத்தான் என்னை.

என்னதவம் செய்தேனோ என்னவன் மடி

தன்னில் தலைவைத்து துஞ்சவே - கன்னத்தில்

முத்தமிட்டு இன்பம் மலர ராமலிங்கமே

பித்தனா னானென் பார்வையில்.

பார்வை ஒன்று போதுமே என்னவன்

போர்வை கழண்டு போகுமே - ஓர்சொல்லுக்கு

ஏங்கிய அவன் ஏக்கத்தால் ராமலிங்கமே

தாங்கிய ஆடை துடிக்குமே.

துடிக்கு மென்னிரு தனங்களும் அவன்கைப்

பிடிக்கு அடங்கிப் பெருகுதே - இடிக்கப்

பெய்தபெரு மழைப் போல ராமலிங்கமே

தெய்வ சுகமதைத் தந்தான்.

தந்தான் தந்தான் தேனிதழ் உதட்டால்

எந்தன் மேனியை அளந்தான் - வந்துநான்

பாடியப் பாடலைப் பார்த்து ராமலிங்கமே

ஆடிய ஆட்டம் அறிவேன்.

அறியாயோ எனது ஆனந்த மூச்சின்

வெறியதை அடக்க வாராயோ - குறி

எல்லாம் காத லுறுமே ராமலிங்கமே

அல்லால் எனக்கு ஆரே.

ஆர்கண்டார் என் அண்ணலை அவர்

பேர் கொண்டேன் பெரிதே - பார்போற்றும்

மன்னவனை நான் மீட்ட ராமலிங்கமே

என் ராகத்தில் அசைந்தான்

அசைந்த உள்ளத்தில் ஊஞ்ச லாடியே

இசைக்க நான் இச்சையானேன் - பசையால்

ஒட்டிய காகிதமாய் என் ராமலிங்கமே

கட்டி இறுக்கக் கண்டேனே.

கண்களும் காணாத காட்சி அவன்

எண்களும் காணாத நீட்சி - பண்களும்

காணாதப் பாட்டைக் காண ராமலிங்கமே

பாணாத் தாளம் போட்டான்.

போட்டத் தாளத்திற்கு பாடின தோத்திரம்

ஏட்டில் எழுத ஏழ்கடலாம் - கூட்டில்

கூடும் குருவி களாய் ராமலிங்கமே

பாடும் வீட்டைப் பாராய்.                            100

(இராமலிங்க அந்தாதி - தொடரும்)