கடந்த கால நிகழ்வுகளை நம்மால் காணமுடியுமா?

காரணப்பட்டு ச.மு.க. அருள் நிலையம் வழங்கும் “சன்மார்க்க விவேக விருத்தி” என்னும் இணைய இதழில் ‘மே-2017’ அன்று  வெளியானவை…

கடந்த கால நிகழ்வுகளை நம்மால் காணமுடியுமா?

முடியும் என்கின்றது விண்வெளி. தொலை நோக்கி மூலம் நம்மால் கடந்த காலத்தை பார்க்க முடியும். சூரியனிலிருந்து ஒளி புறப்பட்டு நம்மை அடைய 8 நிமிடங்கள் எடுத்துக் கொள்கின்றது. அப்படியானால் நாம் இப்போது பார்த்துக் கொண்டிருப்பது 8 நிமிடத்திற்கு முந்தைய சூரியனை. 4 ஒளி ஆண்டுகளுக்கு அப்பால் உள்ள ஒரு நட்சத்திரத்தை நாம் பார்க்கிறோம் என்றால் அது 4 ஆண்டுகளுக்கு முன்பு இருந்த நிலையைத்தான் இப்போது பார்க்கிறோம். இன்று அது எப்படி இருக்கின்றது என்பதை இன்னும் 4 ஆண்டுகள் சென்றால்தான் நம்மால் பார்க்க முடியும். நாம் பார்க்கும் நட்சத்திரங்கள் எல்லாமே இப்படி பல ஆண்டுகளுக்கு முன்புள்ளதைத்தான் பார்த்து வியந்துக்கொண்டுள்ளோம். எனவே கடந்த காலம் எங்கும் ஓடிப்போய்விட வில்லை. அதனை நம்மால் பார்க்க முடியும், பார்த்துக்கொண்டுதான் உள்ளோம் என்பது வியப்பாக உள்ளதல்லவா.

சரி… இந்த தத்துவத்தை பயன்படுத்தி எதிர்காலத்தை நம்மால் பார்க்க முடியுமா? இதற்கு காலம் செல்லும் பாதைக்கு எதிராக நாம் பயணம் செய்ய முடிந்தால் எதிர்காலத்தை பார்க்கலாம். அதாவது மைனஸ் ஒரு நிமிடம், மைனஸ் இரண்டு நிமிடம் என்று செல்ல வேண்டும். அப்படிச் சென்றால் நாம் ப்ளஸ் ஒரு நிமிடம்,  ப்ளஸ் இரண்டு நிமிடம் என்று எதிர்காலத்தை பார்க்கலாம். இது விஞ்ஞானத்தால் முடியாது. மெய்ஞ்ஞானிகளால் முடியும்.

எனவே கடந்த காலம், நிகழ் காலம் மற்றும் எதிர் காலங்களை எல்லாம் ஏற்கனவே திட்டமிடப்பட்டு நிலையாக்கப்பட்டுள்ளது. இன்று நீங்கள் இவ்வசகத்தை படிப்பீர்கள் என்று பலகோடி ஆண்டுகளுக்கு முன்பே நிலையாக்கப்பட்டுவிட்டது. நீங்கள் மெய்ஞ்ஞானியாக இருந்திருந்தால் இன்று நீங்கள் படிக்கும் இவ்வாசகத்தை பல கோடி ஆண்டுகளுக்கு முன்பே படித்திருக்க முடியும்.