இராமலிங்க அந்தாதி - 7

அருட்பெருஞ்ஜோதி                அருட்பெருஞ்ஜோதி

தனிப்பெருங்கருணை               அருட்பெருஞ்ஜோதி

 எல்லா உயிர்களும் இன்புற்று வாழ்க  

                     இராமலிங்க அந்தாதி          (05-07-2015)

(தி.ம.இராமலிங்கம்)

நேரிசை வெண்பா

என்றும் கடவுளர்கள் ஏத்தும் பொதுவாம்

மன்றில் நடிக்கும் மணியே - என்னில்

குடிகொண்ட துரியக் குடிலே ராமலிங்கமே

விடிந்த தென்னுள்ளம் விரைந்து.

விரைந்துக் காண வேண்டும்நான் உன்னில்

கரைந்து காணாமைக் கூடுமழகை - நரையுடன்

திரைகூடும் பருவந் தன்னில் ராமலிங்கமே

கரைகாட்டி எனைக் காப்பாய்.

காப்பாகி என்வானின் கதிராகி இப்பாட்டின்

கூப்பாடும் உனது கருணையாகி - நாப்பாடும்

பாட்டெலா மிங்கு பொதுவாகி ராமலிங்கமே

ஈட்டும் மரணமிலா இயக்கம்.

இயங்கி முதல்நான்கை அடுத்த நந்நான்கும்

முயங்கிக் கடந்தும் முடிவில்லை - தயங்கி

நிற்கையில் என்னுயிர் நிறைந்த ராமலிங்கமே

கற்கோயில் காணாக் கடவுள்.

கடவுளே கடவுளே கடவுளே என்றேதினம்

சடமுள்ளே கடவாத சடமானேன் - மடமான

மதக்கோயில் வழிபட்டு மகிழ்ந்தேன் ராமலிங்கமே

சதமான அருட்பாவை சார்ந்திலேன்.

சார்பெலாமாகி பெருஞ் சுடருமாகி புவியில்

ஓர்நிலையாகி சன்மார்க்கம் ஓங்குக - ஏர்உழுது

நீர்ப்பாய்ச்சி நடவும் நட்டால் ராமலிங்கமே

சீர்உற வளர்க்கும் சன்மார்க்கம்.

சன்மார்க்கச் சாலையில் சபையுடன் சித்திவளாக

தன்மார்க்க இடம்காட்டுவது தயவு - துன்மார்க்க

சாதிசமய மதந்தவிர்த்து சார்ந்தால் ராமலிங்கமே

சோதிமயமாய் ஆண்டு சாதிப்பான்.

சாதிப்பேன் என்கிறவனை சோதித்தால் நானும்

வாதிப்பேன் உன்னிலையை வாய்கிழிய - தாதியை

நாடினும் ஓர்சுகம் நல்குமே ராமலிங்கமே

ஆடிப்பாடி னேனுனையே அன்புதாராய்.

அன்பினால் ஏகசிவபோக அனுபோகம் அடைய

என்மூன்று சுதந்தர மூச்சும்போனது - சன்னலான

ஒன்பது ஓட்டையும் அடைந்தது ராமலிங்கமே

ஏன்தான் அருள்தரதாமதம் எனக்கு.

எனக்கென்று வீடில்லை ஊரில்லை உலகமில்லை

தனக்கென்று தந்தை தாயுமில்லை - மனமகிழ

சுவையூட்ட மனைவி சீருமில்லை ராமலிங்கமே

இவையெலாம் நீயெனவே இருந்தேன்.                    610

இருந்த வேலையை இருமாப்போடு விட்டேன்நான்

வருந்தவே காலங்களை வரைந்தாயோ - இருந்தும்

உனைப் பாடுவது உண்மையெனில் ராமலிங்கமே

எனைஎவ் வுலகமும் ஏற்றும்.

ஏற்றிய வாழ்வெங்கே ஈட்டிய செல்வமெங்கே

போற்றிய உலகமெங்கே பிறருக்காக - ஆற்றிய

வேலை யெங்கே வள்ளல் ராமலிங்கமே

காலைநீட்டி படுத்தக் காலை.

காலைமாலை இரவென்று காலக் கணக்கில்

ஓலைவரும் வரை ஓயாதுசுகத்தை - சேலைத்

தழுவிக் கூடித் தளர்ந்தேன் ராமலிங்கமே

அழுகும் உடலில் அழகாய்நீ.

அழகாய் நீயும்உன் அருகில் நானுமிருக்க

விழலாமோ தேகம் விமலா - நிழல்தரும்

மரத்தை வீழ்த்த மனமேனோ ராமலிங்கமே

கரத்தைப் பிடித்தேன் கைவிடேல்.

கைவிட மாட்டாயென கைத்தாளம் போட்டேன்

தைவிட மனமில்லை தலைவா - பைவிடமெலாம்

போக்கிப் பூசத்தன்றே புணர்வாய் ராமலிங்கமே

ஆக்கை கலக்கஓர் அறைதருவாய்.

தருகின்ற சோதனையை தலைவணங்கி ஏற்கவாநீ

அருள்கின்றாய் ஐந்தொழில் அறிந்து - தருக்கமாய்

கேள்விகேட்க விடலாமோ கருணை ராமலிங்கமே

நாள்கடக்கும் முன்கரம் நீட்டாய்.

நீட்டிய அருட்பாக்களில் நாட்டிய அருளைநீ

ஊட்டியே நான்வளர ஊத்தையெலாம் - பாட்டிலே

பாடையேறி போகவே பார்த்தேன் ராமலிங்கமே

ஆடையாகி என்தேகம் ஆனான்.

ஆனேன் என்றுஅன்று அறைந்த முரசெலாம்

வீனேன் எனக்குமறைய விழையுமோ - கூனேன்

குழையேன் நின்அருளை குறியேன் ராமலிங்கமே

பிழையேன் நாயேனுன்னைப் பாடேன்.

உன்னைப் பாடாத உன்னை நினையாத

சன்மார்க்க சங்கம் சாராதவர் - வன்உலகர்

தன்மார்க்கம் பெரிதென தானிருப்பர் ராமலிங்கமே

உன்மார்க்கம் அறிந்தால் உருகுவர்.

உருகும் மனம்படைத்தோர் உண்மை ஞானியர்

அருளும் குணம்படைத்தோர் ஆண்டவர் - தரும

சிந்தை யுடையோரே சன்மார்க்கர் ராமலிங்கமே

உந்தை அடியாரேஎல்லா முடையார்.                      620

யார்எனத் தேடியுள்ளே யாகத்தீ வளர்க்க

பார்எனைப் பார்என்பான் பரமன் - ஓர்

ஆயிரங் கோடிசூரிய அனலை ராமலிங்கமே

பாயிர மாயிரம்பாடிப் பணிந்தேன்.

பணிதல் வேண்டாம் பொய்ச்சம யாதியை

அணி செய்வோரை அடித்திடுக - தணிக்கை

செய்திடுவீர் மதங்களின் சுயத்தை ராமலிங்கமே

நெய்த மார்க்கம்தான் நிலைக்கும்.

நிலைஎனக் கருதும் நிழல்கலை தெய்வங்களை

மலைஎனக் கூறுவோரை மாய்த்திடுக - சிலை

வணங்கும் தொல் வழக்கத்தை ராமலிங்கமே

குணமுடையர் இன்றே கைவிடுவர்.

விடுத்ததால் வந்த விளைவை அறியீர்

கடுத்த மதத்தாலென் கண்டீர் - இடுகாட்டு

பிணங்கூட எழுந்து படிக்கும் ராமலிங்கமே

மணஞ்செய்த அருட்பா முறையை.

முறைசெய்த ஆறும் மலர்ந்த பிரபந்த

மறையான ஏழும் மனிதர் - நிறைகாண

எழுகின்ற இந்த எட்டும் ராமலிங்கமே

பழுக்கின்ற சன்மார்க்கிகளின் பாட்டு.

பாட்டுக்கு அடிமையாகில் புன்னான மதத்

தீட்டெல்லாம் இனித் தீயாகும் - கூட்டிய

மதக் கூட்டங்கள் மாயவே ராமலிங்கமே

வதஞ் செய்கின்றான் வாழ.

வாழவே பிறந்து வயோதிகம் அடைந்து

வீழவே போவரெலாம் வீணர் - ஆழவே

அருட்பாக் கடலில் ஆழ்ந்தால் ராமலிங்கமே

பெருவாழ்வு அளிப்பான் பார்.

பார்வை மறைந்தால் பரம்பொருள் தெரியும்

கூர்ந்து நோக்கு குறிநடுவே - ஈரிரண்டும்

ஒன்றாய்க் கூடி ஒளியாகும் ராமலிங்கமே

உன்அருளால் கூடுவது உண்மை.

உண்மை அறியாத உலகீர் நீவிரெல்லாம்

கண்மை அழகிலே கவிழ்ந்தீர் - பெண்மை

மதமாம் சுகத்தில் மாண்டீர் ராமலிங்கமே

நிதமும் ஆண்மை நவின்றான்.

நவின்ற பலகோடி நலிந்த சமயமதக்

கவிஞர்கள் பாடிய  கவிதையெலாம் - குவிந்தன

குப்பைக் கூளங்காலாய் குருவே ராமலிங்கமே

தப்பேது மில்லாததுஉன் தயவுகவி.                       630

கவியாலே சத்தியங் குறித்து என்றும்

புவியில் சாகாத புண்ணியா - தவித்தேனே

அதுபோல் நானும் ஆகவே ராமலிங்கமே

மதுபோதை ஆனானென் மனதில்.

தில்லை என்றும் திருப்பதி என்றுமோர்

கல்லை வணங்குவார் கல்லார் - நல்லார்

வணங்கும் ஞானசபை வெளியே ராமலிங்கமே

மணம் புரிந்துநமை மீட்பார்.

மீட்பேன் என்றே மேட்டுக் குப்பத்தில்எனை

ஆட்கொண்ட தேவா ஆங்கே - பூட்டிட்டு

மறைய எனக்குமோர் மனையை ராமலிங்கமே

இறையென வந்து இடுவாய்.

இடுகாடு செல்லாது இறையருள் பெற்று

சுடுகாடும் காணாத சுகந்தருவாய் - எடுத்த

இவ்வுடம்பில் கலந்து இருக்க ராமலிங்கமே

அவ்வுடல் மூன்றும் அருள்.

அருளன்றி ஆடேன் ஆருயிர்க் காப்பேன்

இருள்நெறி ஒழிய இயங்குவேன் - திருவருள்

பெற்று ஓங்குவேன் பணிந்து ராமலிங்கமே

கற்றதைக் கற்று களிப்பேன்.

களித்து வீண்காலம் கழியேன் நல்விசாரணை

அளித்து எனை அடக்குவேன் - எளிதில்

சாகாவரம் பெறுவேன் சத்தியம் ராமலிங்கமே

போகாத நிலைக்கும் போவேன்..

போவென எனைஇப் பூமியில் பிறப்பித்து

ஈவென எல்லாம் ஈந்தாய் - தாவென

கேட்காத போதே கொடுத்த ராமலிங்கமே

தீட்டாக நான்வீழாது தடுத்தாய்.

தாயுடம்பில் உள்ளபோதே தாங்கியத் தந்தைநீ

சேயுடம்பில் உள்ளபோதே சேர்ந்தாய் - பாயும்

மூச்சினுள் ஜீவனாய் முயங்கி ராமலிங்கமே

பேச்சான என்மொழி பெரிது.

பெரிதினும் பெரிதாகி பெயரொன்றும் இல்லாதாகி

அரிதினும் அரிதான அருள்ஜோதி - சரியை

கிரியை யோகஞானம் காணாது ராமலிங்கமே

உரிமை என்றோதில் உறவுறும்.

உறவெனச் சொல்ல உனையன்றி இவ்வுலகில்

இறவாதார் யாருண்டு எனக்கு - மறவாதே

எனையன்றி உனக்கும் உறவில்லை ராமலிங்கமே

உனைப்போல் நானும் உத்தமன்.                         640

உத்தமன் உறவெனக்கு உற்ற அந்நாழிகை

அத்தினம் இன்பத்தை என்சொல்வேன் - சித்தி

வளாக சித்தையே விழைந்தேன் ராமலிங்கமே

ஆளாக்கு என்னையுன் அடிக்கு.

அடிக்கு ஏவல்செய்யும் அருளான வம்சத்தில்

தடிக்கு விழுந்த தடியேன் - படித்து

அறியும் பண்பிலேன் அல்லன் ராமலிங்கமே

குறித்து உரைத்ததை கருதேன்.

கருத்தறியேன் நின்உளக் குறிப்பறியேன் சாகா

மருந்தறியேன் கொடும் மனத்தினேன் - இருள்

நெறியில் பல்கால் நின்றேன் ராமலிங்கமே

வெறித்த என்னால் விளைவதென்ன.

என்னெனச் சொல்வேன் இடுகாட்டுப் பிணமாய்

தன்னிலை அறியாது தளர்ந்தேன் - அன்றியும்

பொறித்த மதத்தில் புகுந்தேன் ராமலிங்கமே

பறித்தப் பழத்தில் புழுவேன்.

புழுவினுள் புழுத்தப் புழுவாகி அதிலிருக்கும்

அழுக்கினை உண்ணும் இனமானேன் - எழுத்தில்

பொய்யே எழுதிஎனைப் புகழ்ந்தேன் ராமலிங்கமே

மெய்யாய் இருக்க மனமிலேன்.

மனமுறும் காமத்தை மறித்திட அறியேன்

தினமும் மங்கைமடித் தேடியே - கனமும்

சுகத்தில் லயித்து சுழன்றேன் ராமலிங்கமே

இகபர சுகம் அறிந்திலேன்.

அறியாதவன் போல் உன்முன்னே நின்று

எறியாத மதங்களுடன் எதிர்த்தேன் - வெறியோடு

வேதத்தை மதித்து வீழ்ந்தேன் ராமலிங்கமே

நாதமுடி மேல் நாடிலேன்.

நாடிய நாட்டமெலாம் நானுரைத்தால் நாயும்

ஓடிவிடும் குணத்தில் ஒன்றினேன் - வாடியென

மகளிரை அழைக்கும் மதியேன் ராமலிங்கமே

முகநக நீறிட்டு மயக்கினேன்.

மயக்கத்தில் இருக்கவே மூடமத சமயநெறியை

தயக்கமின்றி பிடித்துத் தூக்கினேன் - பயமின்றி

பிறர் நயக்க பிணமுமாவேன் ராமலிங்கமே

அறத்தை கற்றிடாத அரக்கனானேன்.

அரக்கச் செயலெனினும் அறமென மதங்கள்

இரக்கமின்றிச் சொன்னதால் அந்தோ - நரகச்

செயலாய் புலாலை இச்சித்தேன் ராமலிங்கமே

பயமின்றி போனதே பக்தி.                               650

பக்தியால் வள்ளலுன் பாதக்கமலம் தொழுது

நிக்கிரகம் செய்ய நினையேன் - அக்கிரமம்

செய்தேன் சுக்கில சூட்சுமத்தை ராமலிங்கமே

மெய்காக்க எனக்கு முயங்கு.

முயங்கிய அருட்பாவில் முப்பத்து மூன்றின்

சுயம்பு மந்திர சித்தறியேன் - உயர்ந்ததென்று

ஐந்தெழுத்தால் ஐயோ இறந்தேன் ராமலிங்கமே

உந்தன் சாகாமந்திரமே உயர்ந்தது.

உயர்ந்த உண்மையும் உவட்டாத இன்பமும்

நயந்த வள்ளலை நானறியேன் - மயக்கும்

சைவசமய நீற்றைச் சூடினேன் ராமலிங்கமே

ஐவரும் செத்திடசாகா ஐயன்நீ.

நீயும்நானும் அருவமும் நல்உருவ முமாய்

பாயும் மூச்சாய் பாரிலிருந்து - மாயுமிந்த

மானிடக் குலத்தை மீட்போம் ராமலிங்கமே

நானினிஉன் உத்தம நண்பன்.

நண்பனின் சொல்லெல்லாம் நல் மந்திரமாக

கண்மூன்றும் திறந்திடக் களித்தேன் - விண்

உலகம் முழுவதும் உலவினேன் ராமலிங்கமே

இலகுந் தொழில்யாவும் அளித்தான்.

அளித்த சுகங்களில் ஆருயிர் நண்பன்பெற்று

களித்த சாகாசுகத்தைக் கண்டேன் - எளிதாய்

என்னுள் அம்மை அப்பனுமாய் ராமலிங்கமே

நன்றாய்க் கலந்து நடனமிடுகிறான்.

நடராஜ நடனமது நடுநாடி ஆட்டமது

வடலூர் சபையது வந்தால் - உடலூர்

அழியாது உண்மை இது ராமலிங்கமே

கழியாத உடலிது காண்.

காணுமிட மெல்லாம் காய எலும்புகளே

தாணு மழிவான் தன்னாலே - வாணுலகம்

சென்றாரு மழிவர் சித்துருவாய் ராமலிங்கமே

வென்றான் சாகா வரம்.

வரம்யாவும் பெற்றே வந்தேன் இப்புவியில்

பரம சித்தாந்தப் பதியுமானேன் - இரவு

பகலற்ற இடமாய்ப் பொலிந்தேன் ராமலிங்கமே

உகத்தில் பெயராய் எடுத்தேன்.

எடுத்த தேகமதில் எல்லாம் வல்லசித்து

உடுத்தி வந்தேன் உலகீர் - கடுத்துப்

பார்க்காதீர் நான் பரமாகாச ராமலிங்கமே

சார்ந்த சன்மார்க்க சத்தியன்.                             660

சத்தியம் குறித்தேன் சாகாத வித்தக

பத்தியம் அறிந்துப் பாரில் - சித்தகம்

புரிய வந்தேன் பாராய் ராமலிங்கமே

அரியதேக மூன்று மானேன்.

ஆனேனென்று சொல்லடா இறவா நிலை

தானேபெற்றே னென்று துள்ளடா - ஊனே

புகுந் தாட்டுவேன் பாரடா ராமலிங்கமே

வகுத்தப் பாதையில் வாங்கடா.

வாங்கடா வந்தால் வரம்பெற்று சாகாது

ஓங்கலாம் சத்தியம் ஈதடா - சாங்கியமேதடா

சாதிமத இனமும் சூதடா ராமலிங்கமே

போதிக்கும் சங்கம் போங்கடா.

போங்கடா போக்கற்ற போக்கிரிப் பசங்களா

ஆங்காங்கு அலைந்து ஒழியுங்கடா - ஈங்கு

சன்மார்க்க சங்கம் சாருங்கடா ராமலிங்கமே

உன்தேகம் புகுவான் உண்மையடா.

உண்மையடா இதுகேள் என்றாலும் கேளாது

பண்ணாத தீமைகள் பண்ணுங்கடா - உண்ண

கொலை செய்யும் கொலைகாரங்களா ராமலிங்கமே

புலை தவிர்த்தான் பாருங்கடா.

பாருங்கடா சத்தியஞான பதியைக் கண்டு

வாருங்கடா வந்தால் வானாகலாம் - சீரும்

சிறப்புமாய் சாகா சங்கமடா ராமலிங்கமே

இறப்பொழிப்பான் நம்பி இருங்கடா.

இருங்கடா இலகும் ஐந்தொழிலைப் பெற்று

அருட்பெருஞ் ஜோதி யாகலாமடா - குருவும்

தீட்சையு மின்றி தூங்கடா ராமலிங்கமே

காட்சி தருவான் காணுங்கடா.

காணுங்கடா கண்மூடிக் கலை வழக்கமெலாம்

நாணுமடா சன்மார்க்கமே நீளுமடா - தாணும்

முக் கண்ணுடன் மடிவானடா ராமலிங்கமே

எக்காலமும் இறவாமல் இருப்பானடா.

இருப்பானடா எல்லா உயிருள்ளும் அவனை

கருணை கொண்டு காணுங்கடா - அருமை

தம்பிகளா சத்தியமிது தானடா ராமலிங்கமே

நம்முயிர் ஆனானென்று நில்லடா.

நில்லடா சன்மார்க்கமே நிஜமென்று மற்றது

கல்லடா என்றே கூறுங்கடா - எல்லாமுடைய

அருட்பெருஞ் ஜோதி யாண்டவரடா ராமலிங்கமே

இருக்க இன்னும்மயக்கம் ஏனடா.                   670

ஏனடா இவ்வுலகில் இறந்தும் பிறந்தும்

போனது போதாதா படுங்கடா - தேனது

மானது என்ற மோகமேனடா ராமலிங்கமே

தானதுவாய்க் கலந்துஇருந் தானடா.

அடாத செயல் ஒன்றில்லை என்றே

கடாகாச நிலை கூடியதடி - சடாந்த

சமரச நிலை சூழ்ந்ததடி ராமலிங்கமே

சுமக்கும் உடலிது சுகந்தானடி.

சுகமென்றாலும் காமம் சிறிதேனும் இல்லை

அக அனுபவம் அடைந்தேனடி - சிகரத்தில்

ஏறி சிற்றம்பல மானேனடி ராமலிங்கமே

கூறிய முத்தேகம் கண்டேனடி.

அடியே என்றுன்னை அழைத்து வாழ்த்த

தடியேனுக்கு குரோதந் தானடி - படியாத

மனதால் கூடுது மலந்தானடி ராமலிங்கமே

எனநான் இருக்க இசைந்தானடி.

இசைந்த திருவருள் அமுதால் என்பாட்டும்

திசை யெல்லாம் தாக்குமடி - பசையற்று

போகுமடி எல்லா பதிகளும் ராமலிங்கமே

ஆகுமடி அவனே இறைவனடி.

இறைவனடி கண்ட இறைவனடி அவன்

மறையை மறுத்த மாந்தரடி - குறை

இல்லா நாளேதடி எனக்கு ராமலிங்கமே

எல்லா மன்றோ இடரில்லையடி.

இல்லை எனாது எதையும் கொடுக்கும்

வல்லமை எனக்கு வருமடி - கல்லான

லோப குணங்கள் லாபமோ ராமலிங்கமே

கோப மடைவான் கூறுங்கடி.

கடிதம் எழுதிக் கடவுளுக்கு அனுப்பினேன்

படித்து என்னை பிடித்தானடி - மடிகாம்பு

தேடும் கன்றாய்த் தவித்தேனடி ராமலிங்கமே

கூடும் நாளைக் குறித்தானடி.

குறிக்காக மோகித்துக் குதிக்கும் மனதை

அறிவால் அடக்கி ஆண்டேனடி - பொறி

புலன்களும் எனக்குப் புல்லடி ராமலிங்கமே

உலக மானப்பின் என்னடி.

என்னடி கண்டே என்முடி கண்டேன்

உன்னடியால் எனக்கேது ஆறடி - துன்

மார்க்க மெலாம் மாய்ந்ததடி ராமலிங்கமே

ஓர் ஒளியாகி ஓங்குதடி.                                 680

ஓங்கின உலகம் உயர்ந்தன உயிர்கள்

ஏங்கின மனதிலே இன்பமடி - தூங்கிய

மனித ரெல்லாம் மாண்டாரடி ராமலிங்கமே

இனிய இறைமார்க்க மடி.

                  மடித்தேடிய மன்மதன் மதம்பிடித்த மன்னவன்

இடிவிழுந்து துடிக்க இறப்பான் - தடியெடுத்தக்

காவலன் நோய்வந்து கதறுவான் ராமலிங்கமே

பாவலத்தால் திருவருள் புகட்டு.

கட்டும் மனதில் காமம் புகுந்திடில்அதை

வெட்டி எறிபவர் வேந்தர்தாமே - சட்டி

உடைந்தால் பய னுண்டோ ராமலிங்கமே

துடைத் தெறிவாய்த் துயரை.

துயரும் துக்கமும் துனிந்தவர்க் கில்லை

பயமும் அவர்க்கு பூஜ்ஜியமே - சுயஞ்

ஜோதி அருட் ஜோதியாய் ராமலிங்கமே

ஆதியுமாய் இருப்பா ரவர்க்கு.

அவரென்று சுட்டும் எவரும் வள்ளல்

இவர்க்கு அடிபணிந்தா ரன்றே - சுவர்

இல்லா சித்திர மொன்றை ராமலிங்கமே

நல்லதாய் வரைந்தான் நன்று.

நன்றிது தீதிது நான்கிது இரண்டிது

என்ற றிந்தோர் இங்கே - சன்மார்க்க

சத்திய சங்கம் சார்ந்து ராமலிங்கமே

நித்திய மென்று நின்றனர்.

நின்றனர் யாவரும் நின்னருள் முகம்

என்று காண்போம் எனவே - அன்புடன்

எனக் கருளினா யன்றோ ராமலிங்கமே

உன தருளேஎன் னுயிர்.

உயிர் நண்பனேஎன் ஆன்ம அறிவனே

மயிலை குயிலாக்கும் மாயனே - துயில்

எழுப்பி என்னை ஏற்றிட்ட ராமலிங்கமே

அழுவேன் அப்ப னன்றோநீ.

நீதானே எந்தன் நீலவான நிலவுஎனது

பாதானே பாடுதுனைப் புகழ்ந்து - மாதா

பிதா குருதெய்வ பக்தியை ராமலிங்கமே

சதா நீயெனவே சார்ந்தேன்.

தேனென இனிக்கும் திருவருள் நூலினை

தானென கொள்ளும் தயவு - வானென

கலந்தோ ரெல்லாம் கூறுவர் ராமலிங்கமே

உலகெலாம் ஓதும் உறவன்.                             690

உறவன் இவனென உண்மைத் தெளிந்து

பெற வேண்டியதைப் பெற்றேன் - துறவு

கொண்டா ரெல்லாம் கதற ராமலிங்கமே

தொண்டரென எனைத் தந்தான்.

தந்திரத்தால் சோம்பல் தூக்கம் தவிர்த்து

விந்து மேலேறும் வழியறிந்தேன் - மந்தி

மனதடக்கி வீதி மேலேற ராமலிங்கமே

வனம் போகாதுஎன் வயது.

வயதினால் மூப்பு வருவதைத் தடுத்து

தயவெனும் முப்பூ தருவான் - அயல்

என நினையாதீர் உலகீர் ராமலிங்கமே

மனதை அடக்கும் மருந்து.

மருந்திது மணியிது மந்திரமிது மதியிது

ஒருமையிது மார்க்க மிது - குருவிது

அருளிது குலமிது என்ற ராமலிங்கமே

உருவினை மறைத்த உளவெது.

உளவு தெரிந்தேன் உடலினை மறைக்கும்

அளவு தெரிந்தேன் உலகிலே - களவாடும்

பொருள் தெரிந்துப் பணிந்து ராமலிங்கமே

அருளும் என்று அழுதேன்.

அழுதேன் அழுதேன் அழுகை தேனாகவே

எழுதிய தெல்லாம்திரு வருளானது - எழு

என்றிட செத்தவர் எழுந்தார் ராமலிங்கமே

உன்திறம் எனக்கும் உண்டு.

உண்டுண்டு உறங்கும் உலகீர் உறங்காநிலைக்

கண்டு அதில்புகவும் கருதீர் - நண்டுபோல்

சமயமதக் குழியைச் சூழ்ந்தீர் ராமலிங்கமே

இமயம் என்பதை அறியீர்.

அறிந்தது பொய்என்று அறிந்தேன் அறியாதது

அறிவென்பதை அறிந்து அழுதேன் - பொறி

வைத்தப் பொறியால் விழுந்தேன் ராமலிங்கமே

செத்தாரைக் கண்டு சிரித்தேன்.

சிரித்த மதமெலாம் சிதைந்தோடப் பற்றி

எரிந்தன சடங்குகள் அய்யோமத - நரிகள்

எல்லாம் ஓடிமடிந்து ஒழிந்தன ராமலிங்கமே

பல்லோர்க்கும் நற் பதியனான்.

பதியுனைப் பணிந்துப் பாடி சதாசதம்

பதித்தே திருவருள் பெற்றேன் - சதி

ஒன்றும் இல்லை உலகீர் ராமலிங்கமே

என்றால் திருவருள் ஆடும்.                              700

(இராமலிங்க அந்தாதி - தொடரும்)