கட்டி பதிகம்

அருட்பெருஞ்ஜோதி            அருட்பெருஞ்ஜோதி

                             தனிப்பெருங்கருணை           அருட்பெருஞ்ஜோதி

எல்லா உயிர்களும் இன்புற்று வாழ்க

https://drive.google.com/file/d/0BxCzJ7eDoOwqOWJJYUZlcXRaQmM/view?usp=sharing

கட்டி பதிகம்

++++++++++++

நடு நின்று நடமாடுமென் நாயகனே

      நான் படும் பாடுனக்கு

சடு குடுஆட்டம் போல் உளதோ

      சமரசம் உலாவும் மேனியின்

இடுப்பில் கட்டி தோன்றியதை வெட்டி

      எடுக்க வேண்டுமோ? அந்தோ

விடு விடுஎன்று சொல்லாய்! உடனே

      வடுவு மின்றி மறையுமே.                   1

பாவம் பல செய்யுனும் அருட்

      பெருஞ் ஜோதியே நின்

ஏவல் என்னு டம்பில் புகுந்து

      இடையில் கட்டியாய் வந்தே

காவல் புரியுமுன் மறக் கருணையை

      காயம் தாங்குமோ? அந்தோ

ஆவலாய் பணிகிறேன் மன்னித் தென்னை

      ஆண்டு சுகமளித் தருளே.                    2

கட்டித் தழுவுமுன் அன்புக் கரங்கள்

      கடிந் தெனை அடிக்குமோ?

கட்டி முடித்த சபையுள் இடியென

      கலங்க மொன்று வருமோ?

கட்டி என் இடையில் பெருகி

      கண் கலங்க வைக்குமோ?

கட்டிக் கரும்பென இனிக்கும் நின்

      கருணைக்கு இது அழகோ?                   3

மருந்து வகைகள் மறந்தாய் ஏனோ?

      மருத்துவ மனைகள் பல

இருப்பதால் தானோ? இருந்தும் எனது

      உடம்பி லுறும் கட்டி

கருவற தேய்ந்து மறைய உன்

      கடைக் கண் பார்வை

அருளால் மட்டுமே முடியும் அன்றோ?

      என் இராமலிங்க அப்பனே.                    4

பதிகம் பாடிப் பணிந்து உனைப்

      பிரியா திருக்க நான்

அதிகம் ஆசை வைத்தேன் ஐயாவே

      என்னுடலில் நீ இருக்க

விதி செய்து, அவ்வுடலில் கட்டி

      வந்துவீங்க, வலி எனக்கென

சதி செய்து சுகமாய் நீஇருப்பது

      சன்மார்க்க செயல் அன்றே.                   5

பலவித பரோபகாரம் செய்த என்

      பதியே இன்று எனக்கு

நலம் அருள்வாய் என்றே உனை

      நாடி வந்தேன் குருவே

உலகம் வியக்கும் வண்ணம் எனது

      உடல் மேவியக் கட்டியை

சலத்தில் கறைந்த உப்பாய் ஓரிரவில்

      சடத்தில் மறைத்து அருளே.                   6

பாவியேன் செய்த பாவம் எதுவோ

      புகலாய் என் இறைவா

காவி உடையுடன் காமக்கண் கொண்டு

      களிப் போர்க்கும் அருளினாய்

ஆவி போகஉயிர் கொலை செய்து

      உண் போர்க்கும் அருளினாய்

நாவினால் உனையே பாடி மகிழும்

      நாயேனுக்கு ஏனிந்த கட்டியே?                  7

ஒன்றும் தெரியாதவன் போல் என்னுள்ளே

      ஒளிந்து ஒளிரும் ஒளியே

கன்றுக்கு பசிவந்தால் மடிதேடி அருந்துமே

      காயத்துள் கட்டி வரநானும்

உன்னருள் தேடி முட்டுகிறேன் மடிகாட்டி

      ஊட்டாயோ ஊன மகற்றி

என்னிடை கட்டியை அகற்றாயோ வலி

      அகற்ற விரைந்து வருவாயே.                   8

புழுக்கள் விரும்பும் உடலோ இது

      புண்ணியன் புகுந்த புனித

விழுதுகளால் என்றும் வீழாத மெய்

      வார்ப்பன்றோ அந்தோ இதில்

இழுக்காக வந்தக் கட்டியை உனது

      எல்லாம் வல்ல அருளால்

பழுக்க விடாமல் வடு தெரியாமல்

      போகச் செய்வாய் புறத்தே.                      9

உடலூரில் குடிகொண்ட உன்னைத் தேடி

      அயலூர் சென்று வந்தேன்

கடலூரில் எழும் கதிரவனைக் காண

      காரிருளில் சென்று வந்தேன்

சடமூரில் இறந்தாரைக் காண பழச்

      சாறு வாங்கிச் சென்றேன்

வடலூரில் ஜோதி காண மக்களின்

      வாட்டமெலாம் ஓடக் கண்டேனே.                10

+++++++++++++++++++++++++++++++++++++

https://drive.google.com/file/d/0BxCzJ7eDoOwqOWJJYUZlcXRaQmM/view?usp=sharing