அருட்ஜோதி ஆலாபனை
அன்னமளித் தானைநினைத் - துயராற
இன்பமளித் தானைஅணைத் - தகமாக
கண்களளித் தானைமுகத் - தொளியாக
கண்டுகளித்
தேனைஎனக் - களிப்பாக
தங்கஅகத் தானைமனக் - கரும்பானை
எங்களருட் பாவைஅளித் - திருந்தானை
வென்றஅருட்
ஜோதிஎனத் - தழியாத
நின்றஅருள்
தேகமுறத் - துணையாக
வந்துஎனக் காணைஅளித்
- திணையாக
என்றுமிருப்
பாணைஇடத் - திருப்பேனே!
----------------------------------------------------------------------------------------
இறைவனென ஆன
மறைவுஎன ஆக
அறிவுஎன தேக
- வடிவாக
தருமமென ஈக
சபையுமென தாக
அருவமென தேக - முடிவாக
கருணைவர மாக
தயவுஅரு ளாக
அருவுருவ தேக - நடையாக
அமுதமழை யாக
நனையுமுட லாக
உருவமென தேக - வெளியாக
இருமைபுற மாக
ஒருமைநிலை யாக
இறைமையென தேக - ஒளியாக
பொதுமைநட மாட
கருமைவிட ஓட
ஒலிவடிவ தேக - நாதமாக
இரவுபக லாக
கனவுநினை வாக
நிறைவுஎன தேக - முழுதாக
அவருமில தாக
இவருமில தாக
இருமைஒரு தேக - கனமாக
மரணமில தாக
உடலுமென தாக
சரணமென தேக - நெடுவாழ
எவருமடை யாத
நிலைஎன தாக
பகருமொரு தேக - அருளானே!
--------------------------------------------------------------------------------
பித்தனென வெற்றுசட
லத்தைஅடை வித்துவிதி
வித்தைதனை இச்சையென - உலகாட
சிக்கியழ விட்டுஎனை
மிக்ககவ னித்துஒரு
மித்தஅடி இட்டஉனை - மனதாரப்
பெற்றதனை எட்டுதிசை
உத்தமனை நித்தமுற
உற்றதனை விக்கியழு - துனைப்பாட
செத்தவரை எட்டிஎழ
வித்தஉனை அத்துஎன
இட்டுஅக நெக்குருகி - விழிமூட
உத்தரச பைக்கெனஎ
னைத்தழுவி புத்ரனென
உத்தரவ ளித்தஒரு - தயவான
புத்தகம தைத்துழவி
சித்தனைநி னைக்கதின
நித்திரைய துத்துலைய - விழிப்பாக
எத்தவம தைச்செயநி
னைக்கினுபு லைக்கொலைசெ
யத்தவமி லாக்கயமை - உருவாக
அக்கடைவி ரித்தனைஅ
ருள்உடமை விற்றவனை
முத்தெனஎ டுத்தணிய - அழகாக
எத்தகந டத்துலக
மக்களும டத்தணைய
அத்தகந டப்பவரை - அறிவாக
இத்தகந டக்கமல
மிட்டிடுமி டத்தணைய
இச்சகயு
கக்கடலை -
விடுவோமே!
------------------------------------------------------------------------------------
தி.ம.இராமலிங்கம்
– கடலூர்
No comments:
Post a Comment
உங்கள் கருத்துகள் வரவேற்கப்படுகின்றன. Welcome to your Comments.